Estudio Tabula

Deseño web · Desde 600 €

Webs rápidas para autónomos e pemes.

Sobre todo en Galicia, pero non só: casas rurais, adegas, consultas, estudios e tendas. Fago webs en castelán e inglés, e tamén en galego se o precisas ou o prefires.

Escríbeme Ver traballos

Sóache?

Quen che fixo a web xa non contesta, e ti non tes nin o contrasinal.
O dominio vai ao teu nome desde o principio. Ao rematar entrégoche o código e todos os accesos.
Para cambiar o horario tes que chamar a alguén.
Cámbialo ti, desde un editor sinxelo. Vén en todas as webs.
No verán escríbenche en inglés, e a túa web só fala castelán.
A túa web en castelán e inglés, e en galego se o queres, revisada por alguén que fala os tres.

Que inclúe

Tres puntos de partida. Todas as webs se deseñan a partir do teu negocio e podes editalas ti. Van en castelán e inglés, e en galego se o precisas.

Tarxeta de visita

Para que te atopen e saiban como contactar contigo.

  • Ata tres páxinas: inicio, sobre ti e contacto.
  • O teu perfil de empresa en Google, configurado.
  • Rápida no móbil, tamén con pouca cobertura.

Desde 600 € + IVE

2 semanas

Web de servizos

Para explicar todo o que ofreces, cunha páxina para cada cousa.

  • Todo o da tarxeta de visita.
  • Ata seis páxinas: unha por servizo, para que Google te amose en cada busca.
  • Unha sección que actualizas ti: carta, prezos ou horarios.

Desde 1.200 € + IVE

4 semanas

Web completa

Para unha web que cambia a miúdo, ou para deixar atrás a que xa tes.

  • Todo o da web de servizos.
  • Blog ou novas.
  • A túa web actual pasada á nova, sen perder enderezos nin posición en Google.
  • Funcións a medida: eventos, reservas ou catálogo.

Desde 2.500 € + IVE

6 a 8 semanas

Xa tes web?

Sexa WordPress, Wix ou o que teñas, paso a túa web a unha web estática sen que perdas nada. Conservas o teu dominio, as páxinas que Google xa coñece seguen funcionando e os teus clientes atópante igual ca antes. E esquécete das actualizacións e da factura do aloxamento.

O que custa de verdade unha web

Antes de comezar

Dominio, correo, aloxamento, fotos. Marca o que xa tes e o que prefires que prepare eu.

Ver a lista

Tres pasos

Os prazos contan desde que teño os teus textos e fotos. É o que máis atrasa unha web pequena, así que avísoche desde o principio.

  1. Unha chamada gratuíta

    Falamos 20 minutos sobre o teu negocio. En dous días laborables mándoche un orzamento pechado.

  2. Ves a túa web mentres a fago

    Nun enderezo privado, desde o primeiro día. Inclúe dúas roldas de cambios.

  3. Publícase e é túa

    O dominio, o código e os textos, ao teu nome. Déixoche por escrito como funciona todo.

Mantemento, se o queres

É opcional. A túa web segue funcionando sen el: non hai plugins que actualizar, e podes editala ti. Se prefires non tocala, tes dúas opcións.

Plan mensual

Para negocios que cambian cartas, prezos ou horarios a miúdo.

  • Ata unha hora de cambios ao mes. Se non a usas, pasa ao mes seguinte, ata dúas horas gardadas.
  • Resposta nun ou dous días laborables.
  • Cada mes reviso o teu dominio e como te atopan en Google.
  • Encárgome de renovar o teu dominio.

50 € ao mes ou 500 € ao ano + IVE

Opcional

Cambios soltos

Para cando precisas algo de cando en vez.

  • Mándasme o cambio e fágoo nunha semana.
  • Pagas só cando o precisas.

65 € por hora ou fracción + IVE

Opcional

A túa web, tamén en inglés

Se os teus clientes veñen de fóra de España, buscan, comparan e reservan en inglés, a miúdo desde o móbil. Son nativo de inglés, así que escribo a túa web como a buscaría un deles.

As webs que fago sacan máis de 90 sobre 100 na proba de velocidade de Google para móbil. Compróbao con rizoma.gal

  • Inglés nativo

    Textos escritos por un falante nativo que sabe que pregunta a xente antes de comprar ou reservar.

  • Tres linguas, o mesmo coidado

    O castelán recibe a mesma atención ca o inglés, e o galego tamén cando o precisas. Reviso cada versión antes de publicala.

  • Unha páxina por lingua

    Google amosa a cada visitante a versión na súa lingua, así que apareces cando buscan en inglés.

  • Rápida en calquera móbil

    Webs lixeiras que cargan ben mesmo con pouca cobertura.

Traballos

Agora céntrome en autónomos e pemes. Se a túa web xa non che serve, ou aínda non tes unha, escríbeme.

Verba

Dicionario e conxugador de inglés, castelán e galego para iOS. Funciona sen conexión, pensado para quen aprende en zonas sen cobertura. Creeina de principio a fin, desde o deseño ata a App Store, xunto coa súa web en tres idiomas.

Rizoma

Web en castelán, inglés e galego para un coworking en Monforte, con páxinas de eventos e modo escuro. Comparte cores e tipografía coas súas publicacións en redes: azul mariño, pedra, palla e musgo sobre crema.

Linguas Tecidas

Web en tres idiomas para un grupo de intercambio de linguas. As próximas sesións xestiónanse desde un panel propio, sen tocar código, e o blog ten o seu propio RSS.

Preguntas frecuentes

A web é miña?
Si. O dominio vai ao teu nome e o código é teu. Se un día deixamos de traballar xuntos, lévala enteira e calquera outra persoa pode seguir con ela.
Podo cambiar cousas eu mesmo?
Si, desde un editor sinxelo, sen tocar código: horarios, prezos, fotos ou textos. E se prefires non facelo, mándasme unha mensaxe co cambio e fágoo eu.
Canto custa cada ano?
O dominio, entre 10 e 20 € ao ano por un .es. O aloxamento dunha web estática adoita ser de balde. O mantemento é opcional.
E se desapareces?
A web segue funcionando sen min. Non depende de ningún plugin nin de ningunha subscrición miña, e déixoche por escrito onde está todo e como se entra.

Falamos?

Cóntame que necesitas. Respondo nun ou dous días laborables.

ola@amongthestones.com Reserva unha chamada gratuíta de 20 minutos